CC-CBA Boses ng Kabataan, Assessment and Evaluation

Isnagawa kahapon (Jan.23) ng umaga sa AMCO Beach Resort ang Assessment and Evaluation sa programang Boses ng Kabataan at sa mga Bulilit Broadcaster ng naturang Radio program.

Ang Boses ng Kabataan ay isang programa sa Radyo na itinataguyod ng Save the Children, isang organisasyong nagtataguyod ng mga proyekto at programa ukol sa Climate Change, kung saan nakasentro kanilang gawain sa mga kabataan sa komunidad, kabilang na ang mga mag-aaral sa pampublikong paaralan.

Ang programang Boses ng Kabataan ay nagsimulang sumahimpapawid noong buwan ng Agosto 2013 at natapos ito noong nakaraang Disyembre ng nakalipas na taong 2013.

Ang nagsilbing host sa naturang programa ay ang sinanay na kabataang mag-aaral buhat sa bayan ng Baler, Dipaculao, Maria Aurora at Dinalungan.

Kahapon nga ay isinagawa ang assessment and evaluation sa naturang programa at sa mga kabataang mag-aaral na nagsilbing mga host.

Lumabas sa isinagawang evaluation na naging matagumpay ang naturang programa, ibinase ito sa mga natanggap na text message mula sa mga tagapakinig.

Nagbunga naman ng malaking pagbabago sa ugali at pakikitungo sa kapwa at komunidad ang resulta sa mga bulilit broadcaster at higit sa lahat ayon sa mga ito ay lalo silang namulat sa katotohanang dapat talagang ingatan at mahalin ang inang Kalikasan upang ito ay huwag tuluyang masira.

Naging tagapagsalita sa naturang aktibidad si G. Willian Azucena, program manager ng Save the Children sa Aurora, si G. Rey Fernando ng 101.7 Spirit Fm Baler.

Matapos ang evaluation ay ang pagkakaloob ng sertipiko ng pagkilala sa mga bulilit broadcaster’s at sa mga guro na nagalasakit sa katatapos na Radio Program.

Tiniyak naman ni Azocena na ang Boses ng Kabataan Program ay muling sasahimpapawid sa Spirit FM Baler sa mga susunod na buwan. (Rey S. Fernando)