Mabilis na
narespondehan ng mga Kagawad ng Pamatay Sunog ng Baler ang isang sunog na
naganap sa isang bahay sa Sitio Kinalapan, Barangay Pingit, Baler, Aurora noong
Sabado (Feb.8, 2014) dakong alas 5:35 ng hapon.
Agad namang
naireport ng isang Concern Citizen sa himpilan ng Pamatay Sunog ng Baler ang
naturang pangyayari dahil dito mabilis namang umaksyon ang mga miyembro ng
Baler BFP, sa pangunguna ni SFO1 Randy Ledmar Tubera, kasama sina FO2 Dexter
Reyes, FO3 Noelito Duaso, FO3 Ardinio Avellaneda, FO2 Janice Ruizan, FO1
Francisco Lumasac at FO1 May Renato, at sa loob ng tatlong minuto ay
idiniklarang Fired Out ang naturang sunog.
Personal
namang tinungo at pinaimbestigahan nina Prov’l Fire Marshal Inspector Bryan
Poquiao at Municipal Fire Marshal SFO2 Freddie Delos Trinos ang dahilan ng
sunog.
Sa isinagawang
imbestigasyon napag-alam na itoy nagmula sa naglalaro ng luto-lutuan ng isang
batang 5 taon gulang, natalsikan umano ng apoy ang isang lona na nakatakip sa
ding-ding na sawali ng bahay kayat mabilis ang apoy.
Tanging isang durabox
lamang at ang gamit na nakalagay dito ang nasunog.
Ayon naman kay
Gng. Pelejo, mabuti na lamang aniya at hindi inabot ng apoy ang sako sakong
uling na nakatambak sa gilid ng katabing bahay, mas malaking sunog umano kung
ito ang natalsikan ng apoy.
Sa panayam ng
CMN News kay PO3 Reyes, tatlong sunog na ang kanilang narespondehan sa unang
linggo ng buwan ng Pebrero.
Comments
Post a Comment