Sumailalim sa
ginanap na Regional Annual Administrative Tactical Inspection noong lunes
(Feb.3, 2014) ang mga KADETE ROTC ng tatlong pangunahing koleheyo sa lalawigan
ng Aurora, ang Mount Carmel College Baler (MCC), Wesleyan University
Phil.-Maria Aurora at State College of Technology (ASCOT).
Ang RAATI ay
isinasagawa upang iasess ang mga kadete ng ROTC sa rehiyon, ang aktibidad ay
isinasagawa sa oval ng Baler Central School.
Ito ang ikalawang
pagkakataon na nakasama sa naturang aktibidad ang mga KADETE ng MCC, Wesleyan
at ASCOT na ikinasiya ng mga ito na sila ay nagtamo ng 93.13 na puntos sa
isinagawang tactical inspeksiyon.
Naging
panauhin sa naturang tactical inspection sina Dr. Rowel Olila, College Affairs
ng MCC kasama sina Miss Mylene Clugtong, Amorfina Costa at Myla Carrasco.
Pinangunahan
naman ni Col. Napoleon Baluyot, chairman ng RAATI Inspection Team ang mga
kasama na sina Maj. Labitaña, 2nd Lt. Lima, M/Sgt. Guillermo, Sgt.
Romeo Marayag, Sgt. Ronald Velasco at Cpl. John Jay Lara.
Naging
bantayan sa pagbibigay ng puntos ng inspection team ay ang mga sumusunod;
admin. 20%, Military stakes 75%.
Samantala sa
kanyang mensahe, pinasalamatan naman ni Col. Raul Juny DJ Castro, bagong group
commander ng 3rd Regional Community Defense Group / 3rd
RCDG-ARESCOM P.A at siya ring Commandment ng 3 koleheyo sa lalawigan ang mga
guro, mga trainers/inspector ng ROTC mula sa 307 CAC-ARESCOM Aurora at ang mga
Reservist na nakiisa sa naturang aktibidad.
Ipinaliwanag
din ni Castro sa mga KADETE ang kahalagahan ng kanilang pagkuha ng ROTC, ito
aniya ay makakatulong upang mahubog ang mga mag-aaral na magkaroon ng mataas na
desiplina at pagpapatalaga sa sarili at bayan, gayon din ang pagtulong sa
komunidad.
Dagdag pa nito
na may inilaan din ang pamahalaan na inisyatiba sa mga mapapalad na KADETE ng
ROTC.
Nanawagan din
si Castro sa mga reservist na membro ng 1st Ready Reserve Battalion
na manatiling aktibo ang mga ito sa kanilang pagiging laang kawal. (Rey S. Fernando)
Comments
Post a Comment