Isinusulong ng
punong Barangay Reserva, Baler, Aurora ang kanilang market day.
Ayon kay Kapitan Michael Valenzuela, isa ito sa mga proyektong
kanilang pinagtutuunan ng pansin sa ilalim ng kanyang pamumuno para sa
kanyang mga kababayan na dumarayo pa sa mga karatig bayan upang mamili ng kanilang
pangangailangan.
Aniya kung
sakali, ay balak nila itong itayo sa bakanteng bagsakan building na nasa Purok
Uno ng kanilang Brgy. kung saan hindi ito nagagamit at napapakinabangan ng
mahabang panahon.
Base sa
kanilang napag-usapan sa Sangguniang Barangay, magsasagawa sila ng dalawa hanggang
tatlong buwan na free trial para sa lahat ng mga mag titinda.
Kung sakali
naman umano na maging matagumpay ito, tuluyan na nilang aayusin ang lugar katulad
ng paglalagay ng palikuran, terminal ng mga tricykel at wet and dry section sa
pamilihan.
Bukod pa rito,
bibigyan ng pagkakataon ang mga negosyante sa mga karatig bayan upang makapag
negosyo dito.
Samantala,
nais naman nila na sa araw ng Martes ang kanilang palengke day para hindi
sumabay pa sa mga bayan ng Ma. Aurora, Dipaculao at Baler.
Comments
Post a Comment