Anti-APECO, magsasagawa ng kilos protesta, kasabay ng Committee Hearing sa bayan ng Casiguran

Kasabay ng isasagawang Committee Hearing bukas, ika-8 ng Mayo 2014, sa Bayan ng Casiguran, Aurora, magsasagawa rin ng kilos protesta ang grupo ng Anti-APECO o Aurora Pacific Economic Zone and Freeport Authority sa naturang bayan.

Inaasahang aabot sa mahit 300 katao mula sa mga barangay ng Culat, Cozo, San Ildefonso, Esteves at Barangay Dibet na pangunahing apektado ng naturang proyekto ang sasama sa kilos protesta.

Ganap na ika-1 ng hapon, maglalakad ang mga ito patungo sa Municipyo ng Casiguran mula sa kanilang assembly point sa Agricula covered court.

Nais ng grupo na makiisa at question-nin ang isasagawang Cozo to San Ildefonso road para linawin ang naturang proyekto.

Nais din nilang malaman kung ang proyekto ay isasagawa ng LGU o ng APECO.

Sakali umanong APECO ang magsasagawa nito para sa pagdevelop ng proyekto, mariin itong tututulan ng grupo.

Nais din ng grupo na ang Local Government Unit ng Casiguran ang magsagawa ng naturang kalsada.

Ang isasagawang kilos protesta ay inorganisa at pangungunahan ng Pinag-isang Lakas ng mga Samahan sa Casiguran o PIGLAS-CA (Arnel M. Turzar)