Sama-samang ipinagdiwang
ng may 300 katao ang Araw ng Paggawa o Labor Day kahapon, Mayo uno, sa bayan ng
Maria Aurora, Aurora.
Sa pangunguna
ng Multi-Sectoral Action Group (MSAG-Aurora) sama-samang nagsagawa ng maghapong
programa ang mga NGO’s, PO’s, Taong Simbahan at iba pang Sektor sa Aurora.
Ito ay sa
ilalim ng paksang “Makatarungan sahod para sa manggagawa at magsasaka,
Ipaglaban!”.
Ganap na ika-8
ng umaga, nagsimula ang programa sa pangunguna ng Banal na Misa na pinangunahan
ni Deacon Ricky, na ginanap sa Plaza o Covered Court ng Bayan ng Maria Aurora,
Aurora.
Matapos ang
Misa sinundan ito ng parada sa kabayanan ng Maria Aurora bitbit ang mga placard
na nagsasabing “Itaas ang sahod ng lahat ng Manggagawa, at ibaba ang presyo ng
mga bilihin”. Ang parada ay ginabayan ng Maria Au. PNP.
Matapos ng
parada, muling pinasimulan ang programa, at dito tinalakay ang lokal at
Pambansang kalalagayan ng mga manggagawa. Nagkakaroon din ng mga pahayag at
testemonya ang ilang mga manggagawang bukid at iba’t ibang samahan, institusyon
at simbahan.
Nagkaroon din
ng cultural presentation ang bawat samahan, dito ipinakita ang tunay na
kalalagayan ng iba’t ibang uri ng mga manggagawa.
Comments
Post a Comment