Never Again to
Martial Law, ito ang nagkakaisang sigaw ng may 200 katao na nakiisa sa
isinagawang Caravan sa Central Aurora kahapon (Sept.21, 2014) bilang paggunita
sa ika-42 anibersaryo ng Martial Law sa ilalim ng proclamation 1081 sa panahon
no dating Pang. Ferdinand Marcos noong 1972.
Nagsimula ang
Caravan dakong ika-8:30 ng umaga sa bayan ng Dipaculao patungo sa bayan ng
Baler, San Luis at Maria Aurora na umabot ng halos 4 na oras na paglalakbay
gamit ang iba’t ibang uri ng sasakayan na may mga nakakabit na streamer at epegy
ni PNoy at ni dating AFP Major Gen. Jovito Palparan.
Ganap na
ika-1:30 ng hapon muling nagsimula naman ang ikalawang bahagi ng kanilang
programa sa pamamagitan ng open forum sa
covered court ng Maria Aurora.
Dito tinalakay
ang Pambansang kalalagayan, ayon kay Eduardo Pujeda ng Justice and Peace Action
Group ng Aurora (JPAG), bagamat aniya hindi na panahon ngayon ng Martial Law
subalit tila umiiral pa rin ito dahil sa patuloy na pamamaslang, pagdukot,
panlilinlang at pananakot sa mga kasapi at leader ng mga progresibong grupo
saan man sa buong bansa. Tinalakay din ni Pujeda ang negatibong idudulot ng
EDCA sa Bansa o Enhance Defense Cooperation Agreement na pinirmahan ni US Pres.
Barac Obama at ni Pang. Aquino kamakailan lamang.
Nagkaroon din
ng pagkilala at testemonya sa mga leader ng organisasyon na dinukot at
pinaslang dito sa lalawigan ng Aurora kagaya nina Joey Estreber, Waldo Palispis,
Willem Geertman, Catalino Imperial, Joseph Mendez at marami pang iba.
Nagbigay din
ng pahayag suporta ang mga samahan na dumalo at mga Parokya sa Central Aurora.
Nakiisa at nagbigay
din ng kanilang pahayag suporta sina Municipal Mayor Amado Geneta at Kon.
Katriz Mae Palispis ng Maria Aurora. Ayon kay Geneta nais niya na mapanatili
ang peace and order sa bayan na kanyang nasasakupan.
Ang paggunita
ay pinangunahan ng Multi-Sectoral Action Group ng Aurora (MSAG) sa ilalim ng
temang “Sama-samang kumilos, papanagutin ang estado sa kanyang paglabag sa
karapatang pantao”.
Kasabay ng
programa pumirma ang lahat ng dumalo sa isang petition letter na nagsasaad ng
pagbuwag sa Pork Barrel.
Sa huling
bahagi na sana ay susunugin ang epegy ni PNoy at Palparan subalit hindi na ito
isinagawa dahil sa pagsunod at paggalang sa umiiral na batas pambansa ang
pagbabawal magsunog ng kahit anong uri ng material na nakakasira sa Kalikasan.
(Arnel M. Turzar)
Comments
Post a Comment