Integrated Social Forestry program (ISF) sa Barangay San Ildefonso peninsula, inaasahang muling maipagkakaloob sa mga magsasaka
Nabuhayan ng
pag-asa ang 25 magsasaka ng niyog na nakikinabang sa Integrated Social Forestry
program ng pamahalaan o ISF sa Barangay San Ildefonso peninsula, Casiguran,
Aurpora ng malaman nila na muling maipagkakaloob sa kanila ang kontrata para ipagpatuloy
na pagyamanin ang kanilang mga sakahan na ipinagkaloob sa kanila dalawang po’t
limang (25) taon na ang lumipas.
Magtatapos na
kasi ang 25 taon na ibinigay sa kanilang panahon para ito ay linangin sa
December 14, 2014.
Kaya naman
nagbuo ng Technical Working Group na pinangunahan ng Community Environment and
Natural Resources ng Casiguran (CENRO) kasama ang Environment and Natural
Resources ng Aurora (ENRO), Municipal Environment and Natural Resources ng
Casiguran (MENRO), Bataris Formation Center, Pinag-isang Lakas ng Samahan sa
Casiguran (Piglas-ca), Local Government Unit (LGU) ng Casiguran at ang Barangay
na nakakasakop, upang isailalim sa ebalwasyon ang mga sakahan. Samantala
tinanggal na ang APECO sa Technical Working Group dahil wala naman umano itong derektang
kapangyarihan sa usapin.
Lumitaw sa
ebalwasyon na fully developed umano ang mga sakahan, karamihang pananim doon ay
produktong niyog at mga lamang lupa katulad ng kabi, kamote, saging at iba pa
na siyang pangunahing hanap buhay doon.
Ayon sa mga
magsasaka, bagamat hindi pa nila hawak ang resulta ng ebalwasyon, umaasa sila
na bago matapos ang taung ito ay muling maipagkakaloob sa kanila ang kontrata.
(Arnel M. Turzar)
Comments
Post a Comment