Napabalitang paniningil ng kabayaran sa Maria Aurora Skills Development Center o MASDC, inamin at ipinaliwang ni MASDC Administrator Marcelina Jacoba…
Tinuldukan na ni Gng. Marcelina
Jacoba, Administrator ng Maria Aurora Skills Development Center (MASDC) ang
ulat na nakarating sa Sangguniang Bayan ng Maria Aurora na naniningil ng
kaukulang halaga ang kanilang paaralan mula sa mga gustong magtapos ng kursong
bokasyonal doon.
Ayon aky Jacoba totoong naniningil sila ng halagang limangdaang piso (P500.00) sa kanilang mga
mag-aaral upang mapunan ang ilan nitong mga pangangailangan dahil wala pa
silang sapat na kakayanan dahil nanatili pa rin silang community base ng
TESDA o hindi pa pinopondohan ng TESDA National.
Sa kanyang paliwanag, alam ng
lahat na talagang may binabayaran sa MASDC gaya ng ID na nagkakahalaga ng 100
piso, ang 200 piso naman ay para sa repair and maintenance at ang natitirang
200 ay para sa kanilang registration na napupunta naman sa mga biglaang
pangangailangan ng mga trainees.
Aminado din si Gng. Jacoba na
may pondong nakalaan ang LGU ng Maria Aurora para sa kanila subalit ito ang
siya nilang ginagamit para sa honorarium ng kanilang mga trainor gayun din ang
ilang bahagi ng pondo na ito para sa pambili ng ilang mga gamit at pambayad sa
kuryente.
Sa kasalukuyan ay nag-aalok
sila ng mga kursong bagay na bagay sa mga pangangailangan ngayon gaya ng
hairdressing, dressmaking, computer hardware servicing, SMAW o Shielded Metal
Art Welding, massage therapy at cookery.
Comments
Post a Comment