Tuloy na ang nausiyaming SK
elections sa susunod na taon. Ito ang tiniyak ni COMELEC Spokesperson James
Jimenes. Aniya, dahil walang batas na
nagawa ang kamara matapos na ito ay i-postponed nila noong nakaraang taon,
obligado ang Comelec na ipatupad ang batas na nagtatakda ng SK elections para
sa pagkakaroon ng kinatawan ng mga kabataan sa pamahalaan.
Dahil dito at sa bisa ng Comelec Resolution No. 9899 na pinagtibay
noong Setyembre 5, itinakda na sa Setyembre 20-29, 2014 ang pagpaparehistro
para sa Sangguniang Kabataan (SK) elections sa Pebrero 21, 2015.
Paliwanag ni Jiminez, kung
nakapag-parehistro na ang kabataang edad15-17 taong gulang noong buwan ng Hulyo
ng nagdaang taon, hindi na sila kailangang
magparehistro ngunit kung ang mga nagparehistro noong nakarang taon ay 18 years
old na sa pagsapit ng Peb. 21, 2015, awtomatikong tanggal na sila listahan.
Samantala, handa naman ang
COMELEC sa maaaring gawin ng kamara hinggil sa SK elections. Mas makakabuti rin
ani Jiminez, sa kanila na ma-postponed uli sa 2016 ang SK election upang hindi maging
mahirap para sa kanila. (Ronald A. Ramos)
Comments
Post a Comment