Nagpahayag ng suporta ang Social Action Director, Diocese of San Jose na si REV. FR. JOSIX
TOLENTINO ng pakikiisa ng kapatiran ng mga mabubuting katiwala ng bayan para sa
mga biktima ng Apeco sa Casiguran, Aurora.
Nakikita ani Fr. Tolentino ang paghihirap at
pagsasakripisyo ng mga tao para sa katarungan upang magkaroon ng hustisya ang
mga ipinakikipaglaban, kasama dito ang pangangalaga at pananatili ng ating
likas yaman na nilikha ng Diyos.
Naisiwalat at nabunyag din ang katotohanang
nangyayari sa namamayaning pananakot sa maraming karaniwang tao dahil sa
paggamit ng kapangyarihan at dahas ng mga nasa likod ng proyektong Apeco, ayon
pa kay Fr. Tolentino.
Wala umanong konsultasyon na nangyari para sa
pagsasaalang-alang sa mga biktimang magsasaka, mangingisda at katutubo bago
ilunsad ang nasabing proyekto, hindi anila makatarungan ang batas Apeco, dahil
nilalabag nito ang Local Government Code, ang batas Katutubo, ang batas sa
lupa, batas mangingisda maging ang mga batas pangkalikasan, batas laban sa
pandarambong at batas laban sa korapsyon na taliwas sa pamamahalang matuwid na
daan ni Pangulong Benigno Aquino III.
Comments
Post a Comment