Patay ang isang lalaki matapos itong mabundol ng Tricycle sa Barangay Gupa, Dipaculao, Aurora

APRIL 11, 2013 – Patay ang isang lalaki matapos itong mabundol ng Tricycle sa Barangay Gupa, Dipaculao, Aurora noong Abril 8, 2013.

Ang biktima ay nakilalang si Jhonny Pacis y Tabutol, 57 taong gulang, at residente ng Barangay Gupa, Dipaculao, Aurora.

Ang suspek naman ay kinilalang si Danilo Agustin Sr., 50 taong gulang, residente ng Barangay Puangi, Dipaculao, Aurora.

Ayon sa imbistigasyon ng Dipaculao PNP sa pangunguna ni SPO1 Hubert  A. Aburdo, bumili sa kabilang kalsada ang biktima, nang bigla itong mabundol ng isang walang ilaw na Tricycle Maton 150, kulay itim at may plakang  9010 QC.

Agad namang  naisugod sa Aurora Memorial hospital ang dalawa para sa kanilang agarang lunas. Subalit dakong alas 11:46 ng gabi noong ding araw ay  binawian ng buhay si Pacis.

Ayon kay Dr. Rodulfo V. Eligio, INTRA CRANIAL HEMORRAGE ,HEAD TRAUMA ang dahilan ng pagkamatay ng biktima bunga ng pagka bagok ng ulo nito.

Napag-alaman na ang suspek ay nasa impluwensyan alak ng maganap ang insidente at wala din itong lisensya.

Ang suspek ay nasa kostudiya na ng Dipaculao PNP at ang gamit nitong  tricycle. At kasalukuyan pa itong iniimbestigahan.

--------------------------