Nagpaliwanag si SFO2 Angelito
Serafines sa di umanoy mabagal na pagresponde ng kanilang team sa naganap na
sunog sa lumang bahay sa North Poblacion, Dipaculao, Aurora hindi kalayuan sa
tanggapan ng pamatay sunog sa nabanggit na Bayan.
Matatandaang noong Hulyo 8, 2013,
dakong alas-9:30 ng gabi, nagsimulang masunog ang bahay na pagmamay-ari ni
Ginang Nena Palaruan.
Ayon kay Serafines malakas na umano
ang apoy bago naireport sa kanilang tanggapan ang naturang sunog at halos
limang minuto lamang agad ding silang nakaresponde dito.
Gawa umano sa kahoy at luma na ang
ikalawang palapag ng bahay kaya mabilis na lumaki ang sunog.
Ayon sa mga nakasaksi sa naturang
sunog, mahina umano ang buga ng tubig ng Bumbero ng Dipaculao Fire Station na
kanilang ginamit sa pagreponde kaya natupok ang bahay.
Aminado naman si Serafines na talagang
mahina ang buga ng kanilang bumbero dahil sa umanoy ginagawa palang ang naturang pamatay sunog, subalit ginawa
naman daw nila ang lahat para apulahin ang apoy at humingi sila ng ayuda sa
Fire Station sa kalapit nitong Bayan ng
Maria Aurora at San Luis.
Nagmula ang sunog sa ikalawang palapag
ng bahay dahil sa aksidenteng naitapon ng apong babae ni Ginang Palaruan ang
sigarilyo na bumagsak sa kotson sa nagging sanhi ng pagkasunog ng bahay.
Samantala, ang tanggapan ng
pamatay sunog sa Bayan ng Dipaculao, Aurora patuloy sa isinasagawang pagpapaalala at
kampanya laban sa mapaminsalang sunog.
Maliban sa mga pampubliko at pribadong
tanggapan at istablisiyemento, nagsasagawa rin sila ng mga symposium sa mga
paaralan para turuan ang mga kabataan sa pag-iwas sa mapaminsalang apoy o
sunog. (Arnel M. Turzar)
Comments
Post a Comment