Magkasunod
na aksidente na kinasangkutan ng motorsiklo ang naganap noong Luns sa bahagi ng
Sitio Tabing Ilog sa Barangay Reserva, Baler, Aurora.
Ang mga
biktima ay nakilalang sina Renato Cortez, 37 taong gulang, residente ng San
Vicente, Tarlac City, at Rogelio Corpus, 40 taong gulang residente ng Purok 04, Barangay Ipil,
Dipaculao, Aurora.
Ayon sa
panayam ng CMN News sa mga biktima, pauwi na umano si Cortez sa tinutuluyan
nitong bahay sa Bayan ng Baler, at habang tinatahak nito ang Pambansang
Lansangan sa lugar na kung saan naganap ang aksidente, nang bigla umanong
sumemplang ang sinasakyan nitong Honda 155 na ang dahilan ay
ang hindi pantay na kalsada na iniispalto ng DPWH.
Nagtamo si Cortez
ng bugbug sa katawan at tuhod at
kasalukuyang naka-confined sa Aurora Memorial Hospital.
Makaraan ang
ilang minuto sumemplang din si Rogelio Corpus sakay ng kanyang Susuki Smash na kulay pula, ang dahilan ay ang hindi
rin pantay na kalsada na iniispalto ng mga tauhan ng DPWH.
Ayon sa
reklamo ng dalawa, wala anilang ano mang
palatandaan na inilagay sa ginagawang kalsada at hindi rin anila ipinaalala sa
mga komyuters o motorista na hindi
pantay ang kalsada na siyang dahilan ng kanilang pagsemplang. (Rey S. Fernando)
Comments
Post a Comment