Inirereklamo ng ilang mga
komuters at motorista ang mga tricycle na pumipila sa kanto ng Quezon Highway
at Angara Street, Barangay 03, Baler, Aurora.
Ayon sa mga concern citizen (minarapat
na hindi na sila pangalanan) nagdudulot umano ng pagkaantala sa daloy ng
trapiko ang mga tricycle na pumaparking sa nasabing panulukan.
Madalas din umanong
nagkakaroon ng aksidente dito dahil sa pagsikip ng trapiko.
Maliban sa umanoy illegal
ang pilahan, kolorum pa umano ang mga pumipila dito.
Una na umano itong
inaksyunan ni Kapitan Danilo Amazona ng Barangay 03, Baler, Aurora na siyang
nakakasakop dito. Sadya lamang umanong pasaway ang mga tricycle driver na kapag
walang nagbabantay na pulis ay bumabalik din ang mga ito.
Sa ikalawang pagkakataon
muli umanong pagbabawalan ni Amozona ang mga pasaway na driver.
Agad namang nakipag-ugnayan
sa Baler PNP ang CMN News makaraang makatanggap ng reklamo mula sa mga concern
citizen, mabilis naman umaksyon ang PNP sa pangunguna ni P/SINSP George
Calauad.
Comments
Post a Comment