Pormal ng
isinagawa ang paglilipat ni dating Mayor at ngayon ay Vice Mayor Ariel Bitong
ang buong pamamahala sa Bayan ng Maria Aurora, Aurora kay Mayor Amado Geneta sa
isinagawang turn over ceremony noong Lunes ng umaga sa bagong session hall ng
Sangguniang Bayan kaalinsabay ng pagsasagawa ng unang sesyon ng Sangguniang
Bayan.
Kaugnay nito
ay iniulat din ng bawat departamento ang kanilang mga accomplishment at mga
programa ng nakalipas na administrasyon.
Matapos ang
pag-uulat na pinangunahan ni Municipal Planning Development Council Officer
Nicasio Gatchalian ay ang inaabangan
namang inaugural speech ni Mayor Amado Geneta.
Sa kanyang
talumpati tinuran ni Geneta na kanyang
ipagpapatuloy at lalo pang pagbubutihin ang mga programa ng nakalipas na
administrasyon .
Inulat din
ni Geneta ang mga programa na kanyang isusulong sa loob ng kanyang pamamahala,
kung saan pangunahing dito ang edukasyon, peace and order, kalinisan,
agrikultura, imprastraktura at ang long term plan para sa flood control.
Samantala,
sa kanya rin inaugural address, muli
namang binigyang diin ni Vice Mayor Ariel Bitong na magkaisa na ang lahat at
kalimutan na ang bangungot ng pulitikal. Isang araw lang aniya ang eleksyon at
itoy tapos na kailangan anito ay ang pagkakaisa upang patuloy na maisulong ang
kaunlaran ng Bayan ng Maria Aurora.
Inilatag din
nito ang kanyang mga panukala at nais
gawin bilang presiding officer ng Sangguniang Bayan ng Maria Aurora.
Comments
Post a Comment