Nagsagawa ng
dalawang araw na pagsasanay o workshop ang Willem Geertman Youth Foundation
Center o WGYFC para sa mga kabataang may talent sa pag-arte at pagpinta.
Ito ay
isinagawa sa Bayan ng Maria Aurora, Aurora noong Sabado at Linggo (Hulyo 6-7)
ang aktibidad ay pinamagatang “Basic Visual Theater Arts Workshop and Painting “
bahagi umano ito sa pagpapatuloy ng adbokasiya ni Willem.
Ang workshop
ay pinangunahan ng Samahan ng Kabataan sa Aurora o SAKA sa pangunguna ni Jonar
Concepcion ang Provincial coordinator ng SAKA sa lalawigan ng Aurora.
Ang
pagsasanay ay dinaluhan ng humigit 50 kabataang mag-aaral sa Elementarya,
Sekondarya, Koleheyo at mga kabataang hindi nag-aaral mula sa mga Bayang ng
Maria Aurora, Dipaculao, Baler, at San Luis.
Ang mga
partisipante ay hinati sa dalawang grupo, una ay grupo ng mga may higlig sa
pag-arte at ang ikalawa ay grupo ng may talento sa pagpinta.
Nagging tagapagsalita
sa naturang workshop sina Raul Lumasac ng HIBO ng Aurora, isang samahan ng
lokal Artist sa lalawigan at si Bing Crisostomo sa Linangan ng Kulturang
Pilipino mula sa Maynila.
Ayon sa
organisador ng WGYFC ang mga naiguhit na larawan ay kanilang ii-exibit sa
opisina ng SAKA sa Bayan ng Maria Aurora at ito’y kanila ring ipopost sa
internet at kung sakali anila na ito ay maibenta ang halaga ay kanilang
idadagdag sa pondo ng Foundation.
Layunin
umano ng ginanap na workshop na makalikom ng pondo para sa pagtatayo ng
Formation Center sa lalawigan ng Aurora upang di umano ay maipagpatuloy ang
adbokasiya ni ka Willem Geertman. (Rey S. Fernando)
Comments
Post a Comment