Naging matagumpay ang
isinagawang pa-symposium ng Dipaculao PNP sa Barangay Dibutunan, Dipaculao,
Aurora kahapon (August 20) bilang bahagi ng Barangay visitation at peace
kipping activity ng kanilang ahensya.
Dito tinalakay ang batas
kaugnay sa R.A 9262 o Anti-Violence Against Women and their Children (VAWC),
ganoon din ang Drug Awareness at information drive dissemination.
Ayon PO2 Katrine Abiang,
apat na barangay na ang kanilang nabigyan ng ganitong aktibidad katulad ng
barangay Bayabas, Gupa, Labuy at Dumabuno.
Ayon naman kay P/SINSP,
Bayani Balbuena, Hepe ng Dipaculao PNP Station, sisikapin nilang ikutin lahat
ng barangay sa bayan ng Dipaculao.
Layunin nitong makabisado
ang mga lugar, makilala ang lahat ng namumuno sa bawat barangay at mga
tanggapan, ganoon din upang siya ay makilala bilang bagong hepe sa nasabing
bayan.
Layunin din nitong ipakita
sa taong bayan ang pakikiisa ng kapulisan at pagpapanatili ng katahimikan at
kaayusan, nais din nilang tanggalin sa kaisipan ng mamayan ang takot sa mga
kapulisan para lalo pang mapagbuklod ang community relationship.
Nagsasagawa rin sila ng mga
feeding program dalawang beses sa isang buwan sa mga batang malnourish para
mapanatili ang kalusugan ng mga bata sa lugar.
Comments
Post a Comment