AKAP at grupo ni Dr. Danay , nagsagawa ng Medical Mission sa Barangay Esteves

Masayang nakatanggap ng libreng mga gamot at Medical Check-up ang may 275 katao sa Barangay Esteves, Casiguran Aurora na labis na naapektohan ng typhoon labuyo noong nakaraang buwan.

Ginawa ang inisyatiba ng Alternatibong Kalusugan sa Pamayanan (AKAP) noong kakaraang araw ng Biyernes (Sept.6), katuwang ang grupo ni Dr. Merill Danay ng Casiguran District Hospital at ang mga Community Health Worker (CHW) sa lugar, ganoon din ang samahan ng JPAG, Bataris at PAMANA na siyang naghanda sa pagsasakatuparan ng nasabing mission.

Lobos naman ang pasasalamat ng mga nakatanggap ng libreng gamot, bakas sa kanila ang tuwa dahil sa ganitong inisyatibang ng mga samahang nais maglingkod sa taong bayan lalo na sa mga nakasanas ng matinding kalamidad.

Lubos din naman ang pasasalamat  ng AKAP sa mga grupong nagbigay ng karagdagang tulong para mapunuan ang pangangailangan ng mga ito. (Arnel M. Turzar)