Bumaba ng P5.00 hanggang
P20.00 ang presyo ng mga pangunahing bilihing gulay sa pamilihang bayan ng
Baler, Aurora makaraang tumaas ang mga ito noong mga nakalipas na linggo.
Naglalaro nalang ngayon sa
halagang P20.00 hanggang P50.00 kada kilo ang Repolyo, Carrots, Patatas,
Talong, Sayote at Kamatis na dating naglalaro halagang P40.00 hanggang P60.00.
Naglalaro naman sa halagang
P60.00 hanggang P70.00 nalang ang kada kilo ng Ampalaya, Bawang at Sibuyas na
dating naglalaro sa halagang P65.00 hanggang P80.00, samantalang wala namang
pagbabago ang presyo ng Petsay baguio sa presyo nitong P30 at Baguio beans na
P60, habang nagtaas naman ng P5.00 ang
kada kilo ng Sayote na ngayon ay P25.00 na ang kada kilo nito.
Wala namang pagbabago ang
presyo ng Karne at Isda maliban sa isdang sapsap na bumaba ng P10.00 kada kilo.
(Arnel M. Turzar/Melanie Hugo)
Comments
Post a Comment