Ipinag-utos
noong lunes (Nov.18, 2013) ni San Luis Mayor Annabel Tangson sa mga tauhan ng
San Luis Police Station ang isinasagawang pamumutol ng Gmilina sa pribadong
bundok sa pag-aari ng isang Anselmo Bitangcor sa Barangay L-Pimentel, San Luis,
Aurora.
Ang kautusan
ay bunsod sa reklamo ng mga residente sa nabanggit na barangay kasama na ang
pangamba na kung hindi mapipigil ang pagpuputol ng kahoy sa lugar ay maaari
umanong gumuho ang naturang bundok sa ayon pa sa mga residente ay maaaring
maging dahilan ng matinding pinsala sa kanilang ari-arian at buhay.
Dahil sa
naturang reklamo inutusan ni Mayor Tangson ang San Luis PNP sa pangunguna ng
kanilang Hepe na si P/SINS Dexter Thomson, mga tauhan ng PENRO kasama ang
Multi-Sectoral Action Group o MSAG-Aurora, ay nagsagawa ng inspeksyon sa
sinasabing plantasyon.
Layunin ng
isinagawang inspeksyon ay upang alamin ng grupo kung natupad ba ni Gng. Joebel
Molina ang binigyan ni G. Bitangcor ng karapatan na mamutol ng Gmilina sa
naturang bundok.
Ang
isinagawang inspeksyon ay base sa permit na ipinagkaloob ng DENR-Regional
Office kay Gng. Molina na may Permit No. R-M-01-03-13-01.
Kung saan
nakasaad sa naturang dokumento na 101 puno lamang ng Gmilina ang dapat putulin
at ito ay may kabuoang 56.71 na cubic meter gross volume at 39-71 cubic meter net.
Volume.
Nakasaad din
sa naturang cutting permit na 30 araw lamang ang dapat na haba ng araw ng
pagpuputol kung saan epektibo ito noong Sept.12, 2013.
Ngunit
natuklasan ng inspeksyon team, na umabot sa 289 na Gmilina ang tinistis ng mga
tauhan ni Gng. Molina, maliban pa sa 2 puno ng Narra, 25 puno ng Mahogany, 1
puno ng mangachapoy, 1 puno ng bagtikan at 1 puno ang Akacia ang kanilang
itinumba at tinistis.
Napag-alaman
pang nilabag din ni Gng. Molina ang alituntuning hindi puputulin ang alin mang
puno malapit sa tabing ilog at sapa, dahil lumilitaw sa imbestigasyon na halos
lahat ng puno na malapit sa ilang metro lamang sa sapa ay pinutol din.
Ayon parin sa
sulat kamay ni Gng. Joebel Molina na inilakip nito sa requirement sa DENR, malinaw
na kanyang ipinangako ang mga puno malapit sa ilog ay pawang pinutol.
Samantala,
kasama rin sa inerereklamo ng mga residente ng L-Pimentel ay ang kanilang
kapitan na si Kapitan Elapio Amatorio, na nagbigay ng pahintulot kay Gng.
Molina na ayon sa mga residente at sa Barangay Kagawad ay hindi man lang nito
kinunsulta ang kanyang ka barangay sa naturang aktibidad, kumita lamang ay
hindi na umano inalala ni Amatorio ang kapakanan ng kanyang ka barangay.
Nasaksihan
naman ng grupo na nag inspeksyon na napakaraming sanga at islab na nagtambak sa
loob mismo ng sapa, na nakakasagabal sa malayang daloy ng tubig.
Ito ang
pinangangambahan ng mga residente ng L-Pimentel na maaaring pagmulan ng Flush
Flood sa kanilang barangay.
Kaugnay nito
ay sinisisi rin ang ginawang illegal na pagputol sa mga Mahogany, Narra, Bagtikan
at Mangachapoy sa tauhan ng CENRO-San Luis Sub Station na si G. Diomedes Llaet
na representante ng naturang ahensya, upang bantayan ang isinagawang aktibidad,
subalit sa kabila nito ay nabigo siyang sawayin ang mga ito na naging daan
upang maging ang mga puno na hindi na sakop ng permit ay kasama sa mga
tinistis.
Labis naman
ang naging galit ni San Luis Mayor Annabel Tangson sa mga tauhan ng DENR dahil
hindi man lang umano ito inabisuhan sa isasagawang Tree Cutting Activity,
gayong nakasaad sa No. 3 ng cutting permit na walang gagawing pagpuputol ng
kahoy kung walang presensya ng kinatawan ng Local na Pamahalaan.
Comments
Post a Comment