Matagumpay na naisagawa ang Youth Forum on Climate Change noong
biyernes, (Nov.29) sa Sentro Baler, Bayan ng Baler, Aurora.
Ang nasabing Youth Forum na may temang “Kabataan ng Aurora: kasama sa
pagpapalakas at paghahanda ng komunidad laban sa banta ng Climate Change” ay
dinaluhan ng halos 200 na mga Out of School Youth mula sa Bayan ng Dinalungan,
Dipaculao, Maria Aurora at Baler.
Ang aktibidad na ito ay pinangunahan ng Save the Children CC-CBA
Project, Provincial Social Work and Development Office (PSWDO), Pag-asa Youth
Association (PYAP) at sa pakikipagtulungan sa apat na pilot municipality ng
CC-CBA Project. Layunin ng Youth Forum na mabuo ang mga Out of School Youth at
matuto tungkol sa Climate Change o pagbabago ng panahon.
Dumalo sa nasabing forum si Gov. Gerardo “Gerry” Noveras. Hinikayat nito
ang mga kabataan na makinig ng mabuti at h’wag mahiyang magtanong sa mga speakers
upang higit na maunawaan ang paksang tatalakayin. Nagpakita din ng suporta ang
mga kawani ng MPDC at MDRRMC ng apat na bayan na sakop ng CC-CBA Project.
Tinalakay sa youth forum ang kahalagahan ng paghahanda ng mga kabataan
at kanilang komunidad sa tuwing may sasapit na kalamidad katulad ng bagyo,
storm surge at lindol.
Pinaliwanag din ng taga Philippine Atmospheric, Geophysical and
Astronomical Services Administration (PAGASA) - DOST ang kahalagahan na malaman
ang banta ng bagyo at mga panganib na dulot nito.
Comments
Post a Comment