BInhi ng Niyog, ipinamahagi ng MSAG Task Force Pag-asa sa Barangay Cozo – Casiguran

Nagpamahagi noong nakaraang linggo (Jan.16, 2014) ng binhi ng Niyog ang mga kasapi ng Task Force Pag-asa sa mga residente ng Barangay Cozo sa bayan ng Casiguran, Aurora.

Ang Task Force Pag-asa sa ilalim ng Multi Sectoral Action Group of Aurora ay binubuo ng apat na samahan ng NGO’s at PO’s, ang Bataris Formation Center, Justice and Peace Action Group of Aurora (JPAG), Alternatibong Kalusugan sa Pamayanan (AKAP) at Panlalawigang Alyansa ng mga Magbubukid sa Aurora (PAMANA).

Nabiyayaan ng programa ang mga pamilya sa Barangay Cozo kung saan ang bawat pamilya ay nakatanggap ng 25 Binhi upang maging ng mga natumbang puno ng niyog noong mga nagdaang kalamidad.

Nagpapasalamat naman si Cozo Barangay Captain Alejandro Barcenas  sa grupo ng Task Force sa pagmamalsakit ng mga ito na tulungan ang kanyang mga kabarangay.

Ang mga ipinamahaging binhi ay binili naman sa magsasaka ng Niyog sa bayan ng Dinalungan sa halagang P10.00 bawat isa.

Nakiisa rin sa programa ng MSAG Task Force Pag-asa ang mga opisyales ng Casiguran sa pangunguna nina Mayor Ricky Bitong at Vice Mayor Roy Soriano, ipinagamit ng mga ito ang sasakyan ng Munisipyo na siyang naghatid ng mga Binhi ng Niyog sa Barangay Cozo. (Rey S. Fernando)