Gugunitain ng simple ang ika-8 taong pagkawala ni Joey Estreber sa darating na Lunes,
ika-3 ng Marso, 2014, ng kanyang mga kasamahan sa Bataris Formation Center at ilang
mga miyembro ng Multi-Sectoral Action Group of Aurora at iba pang mga samahan
na naging katuwang nito sa paglilingkod sa pamayanan bilang Human Rights
Advocate at pagkontra nito sa mga proyekto ng pamahalaan na hindi naman ang
taong bayan ang makikinabang.
Matatandaan si
Estreber ay dinukot ng mga kalalakihan na hindi nakilala lulan ng isang Van na
walang plate number sa panulukan ng San Luis St. at Burgos St. noong ika-3 ng
Marso 2006 dakong ala-6 ng hapon.
Si Estreber ay
Staff ng Bataris Formation Center, miyembro ng MSAG, at may programang
pinamagatang “Pag-usapan Natin” sa himpilan ng DZJO 101.7 Spirit FM Baler,
tuwing Sabado ng umaga at kasapi ng iba pang samahan sa lalawigan ng Aurora noong
panahon na siya ay dukutin ng mga pinaghihinalaang miyembro ng intelligence
group ng Phil. Army na naka-base sa Aurora noong panahon ni Major Gen. Jovito
Palparan na ngayon ay tinutugis ng batas dahil sa Human Rights Violation.
Ang taunang
paggunita sa pagkawala ni Estreber ay bilang pag-ala-ala at pagpapahalaga sa
kabayanihang ginawa nito sa pagtatangol sa karapatang pantao at Kalikasan.
Comments
Post a Comment