Dating Kapitan ng Barangay Zabali-Baler, kinastigo ang may-ari ng babuyan sa Purok 3

Kinastigo ni dating Kapitan Trinidad ng Barangay Zabali, Baler, Aurora si Kagawad “Dongdong” Sanchez, ang may-ari ng inirereklamong mabahong babuyan sa Purok 3, Barangay Zabali. Ang pagkastigo ay nangyari sa isinagawang pag-uusap sa tanggapan ng Barangay Zabali, noong ika-9 ng Mayo.

Ayon kay Trinidad hindi sinunod ni Sanchez ang mga napagkasunduan sa pag-uusap at rekoendasyon ng kanyang administrasyon noong una itong ireklamo upang isaayos ang kanyang babuyan at sumonod sa mga requirement sa tamang pag-aalaga ng baboy.

Dagdag pa ni Trinidad, na kung sinunod ni Sanchez ang mga nararapat gawin, hindi na sana lumaki ang usapin at humantong sa pagsasapubliko nito. (Arnel M. Turzar)