BIRHENG MARIA IPINARADA SA BAYAN NG BALER

Ipinarada ang Mahal na Birheng Maria kasama ang mahigit 75 mga Reyna ng Flores De Mayo katulad ng Reyna Elena, Reyna Emperatriz at Corazon de Maria at ang mahigit 50 mga batang Angel ng San Luis Obispo Parish Baler, Aurora noong Mayo 31 sa Bayanan ng Baler bilang huling araw ng Santacruzan.

Dakong alas-tres ng hapon nagsimula ang Banal na misa sa pangunguna ni Rev. Fr. Nilvon co Villanueva kasama si Rev. Fr. Sanny Quijada. Matapos ang Banal na Misa sinundan ito ng Banal na Prosisyon sa buong kabayanan ng Baler, matapos ang prosisyon sinunod ang pag-aalay ng bulaklak sa Mahal na Birheng Maria sa Covered Court ng Mount Carmel College Baler.

Ang Santacruzan o Flores de Mayo ay tradisyon na taon-taong ipinagdiriwang sa mga Sibahang Katoliko partikular sa Bayan ng Baler. Mahalaga ang naturang pagdiriwang upang maipakita ng bawat isa ang kahalagahan ng debosyon sa Banal na Krus at sa Birheng Maria.

Binigyang pansin ng lahat ang pananampalataya at mga tradisyong pinaniniwalaan at ginawa ng Mahal na Birheng Maria sa paghahanap sa Banal na Krus. 

Sa huli lubos ang pasasalamat ni Fr. Villanueva sa lahat ng magulang ng mga sumama at nakiisa partikular sa mga bata, sa pagkakaloob ng kanilang anak para tugunan ang pagkilala at pagpapahalaga kay Burheng Maria. (Arnel M. Turzar)