MAGSASAKA UMAASA SA KANILANG LUPAIN - Casiguran, Aurora

Umaasa ang 25 Holder ng Integrated Social Forestry o ISF sa Sitio Dalugan, Barangay San Ildefonso, Casiguran Aurora, na mairerenew ang kanilang Certificate Stewardship Contract sa 2014, ito ay matapos sabihin ni Pangulong Binigno Aquino III noong makipag-dialogue ang mga magsasaka, mangingisda at katutubo sa Pangulo noong 2012.

Sinabi ni Presidente Aquino na pagbibigyan ang kahilingan na irenew ang mga ito para sa susunod na 25 taon kontrata ng ISF sa lugar.

Dahil dito nagsagawa dialogue sa pagitan ng Department of Environment and Natural Resources ng Casiguran at ng mga Integrated Social Forestry holder kamakailan, kaharap din ang mga concern sa nasabing usapin, kasama dito ang Task Force Anti APECO (TFAA), Pinag Isang Lakas ng mga Samahan sa Casiguran (PIGLAS-CA), at ang kinatawan ng proyektong Aurora Pacific Economic Zone and Freeport Authority (APECO). 

Ito umano ang hakbang para matugunan ang kahilingan ng mga magsasaka sa San Ildefonso Peninsula sa kanilang lupaing binubunkal na ngayon ay nasa loob ng proyektong APECO sa Casiguran.

Base sa inihapag na mga dokumento, 25 beneficiaries ng programang ISF ang marerenew sa taon 2014 at ang ilan naman ay sa 2017 at 2019. (Arnel M. Turzar)