PAIIGTINGIN PA NG PNP ANG PAGBABAWAL SA LASING NA NAGMAMANEHO -San Luis, Aurora

Tiniyak ni SPO4 Lombriano Macatiag ng PNP San Luis, ang pagpapatupad ng Republic Act No. 10586 o Anti-drunk and Drug Driving Act of 2013 na nagbibigay parusa sa mga nakainom na nagmamaneho.

Ito umano ang kadalasang dahilan ng mga vehicular Accident sa naturang Bayan.

Sa talaan ng kanilang tanggapan, umabot na sa 25 kaso ng aksidente sa kalsada ang naitala mula noong buwan ng Enero hanggan buwang kasalukuyan ng Hunyo 2013. Nakapagtala ng 5 kaso ng Vehicular accident noong Enero, 5 noong Marso at 4 ngayong kasalukuyang buwan na ikinasawi ng 3 lalaki sa tindi ng pagkakaaksidente.

Payo ni Macatiag, para maiwasan ang aksidente huwag nang magmaneho ng kahit anong sasakyan lalalo na sa gabi ng walang ilaw lalopa’t lasing o nakainom. Ganoon din sa mga magulang na may mga anak na menor de edad, huwag pahintulutan o payagan na sila ay magmaneho dahil labag aniya ito sa Batas trapiko, magsuut ng matibay na helmet kapag-magmamaneho ng motorsiklo ganoon din ang angkas, irehistro sa tamang panahon ang mga sasakyan at kumuha ng lisensya sa pagmamaneho. (Arnel M. Turzar)