Ika-41 taong ng Martial Law, ginunita sa Gitnang Aurora

Isulong at itaguyod ang paggalang sa karapatang pantao, katarungan para sa mga biktima ng batas militar, katarungan para kina Waldo Palispis, Willem Geertman, Joey Etriber at iba pa, at papanagutin ang may kagagawan ng pagdukot, ilan lamang ito sa sigaw at panawagan ng mga grupong nagtatanggol at nagtataguyod sa karapatang pantao sa lalawigan ng Aurora sa isinagawang Caravan noong ika-21 ng September 2013 na pinangunahan ng Mult- Sectoral Action Group (MSAG-Aurora) sa paggunita sa ika-41 taon ng Martial Law mula noong 1972.

Ang naturang programa ay may temang “Sama-samang pagkilos laban sa paglabag ng estado sa karapatan ng mamamayan sa politika at kabuhayan.

Nagsimula at paglalakbay mula sa bayan ng San Luis patungo sa bayan ng Baler, Dipaculao at Maria Aurora.

Ito ay dinaluhan ng may 200 katao mula sa iba’t-ibang samahan at mga Parokya sa Gitnang Aurora katulad ng Bataris, JPAG, PAMANA, AKAP iba pang mga sektor sa lalawigan.

Bit-bit ang mga streamer at placard, nagsagawa ang mga ito ng programa sa bawat bayan na kanilang pinuntahan, nagpahayag ng pagkondina sa mga paglabag sa karapatang pantao  ang bawat samahang nakiisa sa Caravan.

Isa sa binigyang pansin ng grupo, ang Priority Development Assistance Fund (PDAF) na kinasasangkutan ni Janeth Napoles, at ng mga Senador at kongrisista na malinaw na pagyurak umano sa karapatan ng mga Plipino sa kaunlaran at kabuhayan.

Dagdag pa nila na sa lokal na antas ay nariyan pa din isyu ng 127 milyong depesito sa Kapitolyo ng Aurora. At ang paglalaan umano ng milyong pondo ni dating Senador Edgargo Angara sa sarili niyang itinatayong NGO. (Arnel M. Turzar)