Linggo ng mga katutubo sa Aurora, matagumapay na naidaos

Matagumpay na naidaos ng daan-daang mga katutubo mula sa iba’t-ibang komunidad sa mga bayan ng Aurora, ang “Linggo ng mga Katutubo” noong nakaraang Huwebes at Biyernes (August 29-30) sa Barangay Diteki, San Luis, Aurora.

Ang ganitong gawain ay taon-taun isinasagawa sa lalawigan tuwing buwan ng Agosto alinsunod na rin sa United Nation Declaration, na ang buwan ng Agosto ay paggunita ng “Indigenous People Week”. Dito kinikilala ang katangian at pagkakaisa ng mga katutubong mamamayan sa buong daigdig, sa pamamagitan ng mga karapatan.

Layunin nito na “Upang pagkaisahin at ipagtanggol ng sama-sama ang karapatan sa kabuhayan, Kalikasan at higit sa igalang ang sariling pagpapasya sa lupaing Ninuno”. Sa ilalim naman ng paksang “Katutubo ng Aurora: Palawakin, Patatagin ang hanay, at Depensahan ang Lupaing Ninuno”.

Sa unang araw ng pagdiriwang, nagtungo ang mga ito sa tanggapan ng NCIP at sa tanggapan ng DENR, at nakipag-dayalogo sa mga opisyal ng nasabing mga ahensya at kanilang inihapag at nilatag ang mga suliranin na kasalukuyang nararansan ng kanilang hanay.

Sa ikalawang araw ng kanilang pagdiriwang, sa solidarity, nagbigay naman ng pahayag suporta o pagkakaisa ang Parokya ni San Vicente Ferrer at  San Luis Rey Parish ganoon din ang iba’t-ibang NGO’s, PO’s at Institution katulad ng AKAP, Dap-ay, PAMANA, JPAG, SAMAKA, SAKA, MiVo at Bataris.

Sa kanilang pahayag, nais ng mga ito na suportahan at ipagtanggol ang mga karapatan ng mga katutubo lalo na sa kanilnag mga lupain at panirahan. Ang mga tribu umano ay biktima ng karahasan sa usapin ng militarisasyon at ng huwad na kaunlaran ng Gobyerno na ang kanilang lupaing ay napagsasamantalahan ng mga may kapangyarihan sa lipunan. (Arnel M. Turzar)