“Book 400 Years”, pormal nang nailonsad sa bayan ng Baler

Masiglang ipinagdiwang ng daan-daang  mga Layko, Taong Simbahan, institusyon at mga organisasyon ang paglulunsad ng “Book 400 Years”, noong Biyernes (Nov.15, 2013) sa Bayan ng Baler, Aurora.

Ang “aklat” ay pinamagatang “sa Dugo at Tubig” na nilimbag sa pangunguna nina Ginoong Diego Quejada, Jim Schorsch, Josepina Marino, Mariano Quiňones, Sister Alicia Castillo, Rev. Fr. Andres Lumasac, Bernardo Marino Sr., Mercedes delos Santos, Rev. Fr. Nilvon Co Villanueva, Alfonso van Zijl, Celeste Gimena, Noli Guerrero at Christie Sarmento-Clavero.

Bilang bahagi ng programa bago ang pormal na paglulunsad ng aklat, nagkaroon muna ng pagdiriwang ng Banal na Misa sa Parokya ni San Luis Obispo na pinamunuan ng mga Kaparian sa Valley-Ding sa pangunguna naman ni Rev. Fr. Mario Establisida.

Matapos ang Misa, sumunod na ang pormal na paglulunsad ng aklat, sa Covered  Court ng Mount Carmel College Baler. Dito nagbigay ng mensahe sa pamamagitan ng video presentation sina Bishop Emeritus Julio Xavier Labayen at Archbishop Rolando J. Tria Tirona, ganoon din sina Fr. Nilvon Co Villanueva, Fr. Andres Lumasac at si Ginoong Diego Quejada at Fr. Mario Establisida, isang tula naman ang ipininamalas ni Ginoong Mariano Quiňones.

Matapos ang mga mensahe, ginawaran naman ng sertipiko ang mga nagsikap at naging kabahagi sa pagbubuo ng makasay-sayang aklat.

Sa huling bahagi ng programa, ang pamimigay ng mga libro sa mga Parokyang nakapaloob sa kasay-sayan, mga institusyon, organisasyon at misyon partner, kasamana na ang 101.7  Spirit FM Baler bilang bahagi ng kasay-sayan, ang unang istasyon ng radio na nag-sahimpapawid sa lalawigan ng Aurora. (Arnel M. Turzar)