CAFGO sa Aurora, pingtutuunan ng pansin ang paglilinis sa bawat Barangay

Nakikipagkaisa at pakikipagtulungan sa mga programa ng Barangay. Ito ang isa sa pinagtutuunan ng pansin ng mga kasundaluhan at miyembro ng Citizen Armed Force Geographical Unit (CAFGO) sa lalawigan ng Aurora, sa ilalim ng pamumuno ni Capt. Niel Fedrito Carolino, commanding officer ng Bravo Coy. 70^th Inf. “ CADRE” Battalion.

Patunay dito, noong nakaraang ika-14 ng Enero, 2014, nakiisa sa isinagawang lean and Green program ang isang Squad ng CAFGO na nakabase sa Barangay Simbahan Detachment sa Dinalungan, Aurora.

Pinangunahan si Sgt. Sawit ang tropa sa paglilinis sa paligid ng Barangay Dibaraybay sa naturang Bayan, kaisa ang mga Barangay Kagawad, Barangay Tanod, BHW at mga Barangay Leader.

Nagpasalamat naman si Kap. Procolo Moral ng Dibaraybay sa mga miyembro ng Bravo Coy. sa pakikipagkaisa sa kanilang isinusulong na mga programa.

Samantala noong Sabado, (Enero 25, 2014) pinangunahan naman ni Sgt. Miguel Loneza, 1^st Sgt. Ng Bravo Coy. 70 Inf. “CADRE” Battalion na nakabase sa Barangay Calabuana, Baler, Aurora, ang pag-aatag sa Barangay ng San Isidro, San Luis, Aurora.

Ang paglilinis ay ginawa sa daang patungo sa Sitio Baliktawak sa nabanggit na Barangay at nang dakong hapon naman ay ang paglilinis at pagsasaayos ng garden ng barangay ang kanilang ginawa.

Ang naturang gawain ay inisyatiba naman ng Barangay Capt. Melba Everio, katuwang ang mga Barangay Official, BHW, at sina Naty Ariola at Yolly Bendecio.

Ang serbisyo sa kumonidad ay bahagi pa rin ng programang sinusulong ng Bravo Coy. sa lahat ng lugar na nasasakop ng kanilang kumpanya sa lalawigan ng Aurora. (Rey S. Fernando)