LIBRENG SURGICAL MISSION MULA SA TANGGAPAN NI CONGW. BELLA ANGARA- CASTILLO ISASAGAWA NGAYONG BUWAN NG PEBRERO

Nakatakdang magsagawang muli ng libreng surgical mission para sa major at minor surgeries ngayong darating na ika 26 hanggang ika 27 ng Pebrero 2016, na isasagawa sa Aurora Memorial Hospital (AMH) Brgy Reserva Baler Aurora.

May nakalaang 40 slots para sa major surgeries, habang may 70 slots naman sa minor surgeries, kasama na ang Suture of Lacerations o (Pagtatahi ng mga nakabukang sugat), ligation, at marami pang iba.

Ito ay bukas para sa lahat ng mga kalalawigan, na nais mag pa opera ng libre, ngunit kailangan lamang na ang pasyente ay may medical clearance, laboratory test, gaya ng ECG, X-ray, at ultrasound, depende sa ipapa opera.

Kinakailanagn din na pumunta muna sa mga doctor kung saan galling ang isang pasyente, na ang mga gastusin para sa nasabing medical clearance ay sagot mismo ng mga ito.

Isasagawa ang mga nabanggit na operasyon sa pangunguna ni Dra. Joy Angara Castillo Fontanilla mula sa  ST. LUKES MEDICAL CENTER.

Samantala, ang nasabing proyekto, ay laan ng tanggapan ni congresswoman Bellaflor Angara Castillo, sa pakikipag tulungan ni governor Gerardo A. Noveras, vice governor Rommel Teh –Angara, at Baler vice mayor Karen Angara.

(Spirit FM News)